A Unión de Cooperativas Espazocoop leva anos colaborando co Concello da Coruña na divulgación e a difusión do cooperativismo. Presentamos a proposta de actividades para este ano 2024 que da continuidade ás actividades desenvolvidas en anos anteriores baixo o nome "Cooperativismo nos centros de ensino", que tiñan como obxectivo achegar ao alumnado de Educación Secundaria, Bacharelato e Formación Profesional, a información sobre outra forma de emprender, outro xeito de facer empresa, aliñada cos principios e valores da economía social, a través da fórmula cooperativa.
Queremos aproveitar para agradecervos a todas as persoas docentes que nos abrides as portas e nos permitides chegar ao voso alumnado e achegalos ao cooperativismo.
Para este ano 2024 convidámosvos a reservar quenda de participación nestas actividades. Unha vez feita a inscrición, porémonos en contacto con vós para a organización da actividade solicitada.
Moitas grazas pola vosa resposta!
